 |
| powered by
|
Universität Ollenbörg richt Nederdüütsch-Professur in09.09.2005 - (idw) Niedersächsisches Ministerium für Wissenschaft und Kultur
OLLENBÖRG: De Nedersassische Minister för Wetenschupp un Kultur Lutz Stratmann geiht daarvan ut, dat an de Universität in Ollenbörg en Professur för de nederdüütsche Spraak inricht word. Dat kweem bi de Gesprecken tüsken dat Ministerium un dat Leit van de Hoogschool rut. Daarmit word en Besluten van de Nedersassische Landdag van de 24. Februar 2005 umsett.
De "Wissenschaftliche Kommission Niedersachsen" (WKN) hett in en Utweerten van dat Fack Germanistik anraden, dat bi dat Inrichten van de Professur för Nederdüütsch dat Gewicht up de Spraakwetenschupp liggen sull, umdat daarmit en Ansluten an de Facken Nederlandistik, Mediävistik un an de Spraakwetenschupp/Soziolinguistik van de Germanistik un de Slawistik mögelk is. De Stee, de daarför bruukt word, kummt van een van de veer Professuren för Spraakwetenschupp, de upstünds freei sünd of freei worden. Dat Ministerium will bovendeem noch Geld för wetenschupplike Mitarbeid daarto doon, see Stratmann.
Butendeem sall dat en Tosamenarbeid mit dat Institut för Nederdüütsche Spraak in Bremen geven, dat ok van 't Land Nedersassen stönt word.
| uniprotokolle > Nachrichten > Universität Ollenbörg richt Nederdüütsch-Professur in | |
| |
HTML-Code zum Verweis auf diese Seite:
<a href="http://www.uni-protokolle.de/nachrichten/id/105494/">Universität Ollenbörg richt Nederdüütsch-Professur in </a>
|